Gamma Knife Icon

Gamma Knife Icon 60 ildən artıq müddətdə öyrənilməklə Leksell Gamma Knife texnologiyasının altıncı nəslidir. Bu qurğu Leksell Gamma Knife ailəsinin daha dəqiq, daha rahat və daha təhlükəsiz modelidir.

Gamma Knife nədir?

Gamma Knife radiasiya terapiyasının bir hissəsi kimi beyin şişləri və digər beyin anormallığını müalicə edən stereotaktiki kəllədaxili radiocərrahiyyə texnikalarından biridir. Gamma knife radiocərrahiyyəsində, hədəflənən toxumalar bir sessiyada çox yüksək radiasiya dozası qəbul edir, bununla yanaşı beyin toxumaları isə yalnız cüzi radiasiya dozası alır. Bu prosedurun məqsədi şişin böyüməsinin qarşısını almaqdır.

Gamma Knife prosesi

Müalicə hər bir fərdi xəstənin tələbatlarına əsasən planlaşdırılır və bu tənzimlənən prosesi çox asan, sürətli, etibarlı, təhlükəsiz və düzgün yönümlü bir prosesdir. Gamma Knife kompüter proqram təminatı qamma şüalarının hədəfə çatmasını təmin etmək üçün müalicə planını sadə təlimatlar siyahısına qədər azaldır.

Müalicə stereotaktiki çərçivənin xəstənin başına yerləşdirilməsi ilə başlanılır. Bu bir neçə dəqiqədə asanlıqla həyata keçirilir və yalnız yerli keyitmə tələb edir. Çərçivə yerləşdirildikdən sonra, xəstə patologiyasına uyğun təsvir proseduru həyata keçirilir (məsələn, MRT, KT, angioqrafiya). Qeyd edilən müayinələr beyinin çox təfsilatlı və dəqiq xəritələrini yaradır. Bundan sonra müalicə xüsusi kompüterli planlaşdırma proqramından istifadə etməklə yüksək dəqiqliklə planlaşdırılır. Müalicə müvafiq təhlükəsizliklə ətraf beyin və sinir toxumalarını qoruyaraq millimetr ölçüdən az dəqiqliklə hədəfi əhatə etmək üçün tənzimlənir. Bundan sonra müalicə adətən 30 dəqiqədən saat yarımadək davam edən müddətdə həyata keçirilir. Qeyd edilən müalicə müddəti yalnız cüzi tibbi hallarda uzun ola bilər. Müalicə həyata keçirilən zaman, xəstə rahat şəkildə müalicə divanında uzanır və musiqiyə qulaq asır. Müalicədən sonra çərçivə çıxarılır və bir çox xəstələr elə həmin gün xəstəxanadan evə yazılır. Bir sıra digər cərrahi prosedurlardan fərqli olaraq Gamma Knife prosedurundan sonra xəstənin yenidən xəstəxanaya müraciət etməsinə ehtiyac qalmır. Xəstələr əvvəlki kimi öz gündəlik həyatına davam edir.

Gamma Knife İcon və Gamma Knife Perfexion arasındakı fərq hansılardır?

• İcon versiyasında, xəstə çərçivə (maska) ilə və ya çərçivəsiz müalicə edilə bilər.
• İnteqrasiyalı stereotaktiki konus şüalı KT həkimlərə 3D ölçüsündə stereotaktiki koordinatları müəyyən etmələrinə kömək edir.
• Xəstə bir və ya bir neçə sessiyalar üzrə müalicə ala bilər.
• İcon digər radiocərrahi qurğulardan fərqli olaraq daha həssas radiocərrahiyyə qurğusudur.

Gamma Knife müalicəsinin üstünlükləri hansılardır?

Gamma Knife beyin şişləri və digər beyin qüsurları üzrə ağrısız və qansız müalicə metodudur. Gamma Knife müalicəsinin üstünlükləri aşağıdakı kimidir:

• O bir çox beyin şişi növləri üzrə açıq cərrahiyyə tələbini aradan qaldıra bilir.
• Ümumi anesteziyaya ehtiyac duyulmur
• Əməliyyat prosesindən keçməyən ehtiyac duyulmur
• Baş dərisi və ya başda kəsiklər olmur
• Normal beyin toxumaları çox az miqdarda radiasiya şüası qəbul edir.
• Saçların kəsilməsinə ehtiyac duyulmur və saçlar tökülmür.
• Xəstə müalicə günündə evə və ya işlərinə geri qayıda bilir.
• Hər hansı bərpa müddəti nəzərdə tutulmur.

Gamma Knife vasitəsilə hansı xəstəlikləri müalicə etmək olar?

Xoşxassəli beyin şişi olan xəstələr:

• Vestibulyar şvannoma (əvvəlki adı akustik neyroma)
• Meningioma
• Hipofiz adenoması
• Kəllə əsası şişlər
• Xordomalar
• Bütün digər kəllədaxili şvannomalar
• Glomus jugulare şişləri
• Kraniofaringiomalar
• Hemangioblastomalar
• Pineal (qozaşəkilli) regionların şişləri

Qan damar xəstəlikləri olan xəstələr:

• Arteriya damar qüsurları (AVM)
• Serebral kavernoz qüsurlar
• Kavernomalar
• Dural arteriya damar fistulaları

Bədxassəli şişə malik xəstələr:

• Bədxassəli melanoma
• Uveal melanoma
• Müəyyən qlial şişlər
• Hemangioperisitoma
• Nazofaringeal karsinomalar

Funksional xəstəliklərə malik xəstələr:

• Trigeminal nuralgiya

Hərəkət qüsuru olan xəstələr:

• • Parkinson xəstəliyi ilə əlaqəli əsmə

Açıq cərrahi əməliyyata girmədən imtina edən xəstələr:

• Yaşlarına və ya əlaqəli tibbi vəziyyətlər kimi səbəblərdən cərrahi prosedurlardan keçmək imkanına malik olmayan xəstələr

Texnologiya ilə təmin edilmiş tibbi müəssisələr:

Acıbadem Altunizade Xəstəxanası